Eg kan ikkje anna...

Av Nils Dybdal-Holthe

Melodi: Jag kan inte rekna dem alla...

Eg kan ikkje anna enn takka for livet som vart meg til del, at ingen på spira mi trakka i livet sitt mangslungne spel.	Eg kan ikkje anna enn vona på nåde og miskunn og trøyst, eg, syndar i alt, må få koma og høyra di kjærlege røyst.
Eg kan ikkje anna enn lova den Herre som fridom meg gav, for livets ugløymande gåva for nådens utøymande hav.	Eg kan ikkje annan enn venta på ropet som lyder ein gong, då Frelsaren sjølv vil meg henta til englanes heilage song.
Eg kan ikkje annan enn opna mi tome og skjelvande hand, og ta imot alt det du sender på veg mot det ovsæle land.	Eg kan ikkje anna - så hjelp meg. Eg snublar kvar einaste dag. Så fatig og rådlaus på villsteg eg bed: lat meg gå i ditt lag.
Eg kan ikkje anna enn leva i tru på det reinsande blod, som fløymde frå Frelsarens hjarta og vaskar meg heilkvit og god. (juli '93).